ಕನಸಲ್ಲಿ ಕಡಲೆಗಿಡ

ಛಳಿಗಾಲ
ಅವರೆಯ ಸೊಗಡಿನೊಂದಿಗೆ, ಕಡಲೆಯ ಗಿಡವನೂ ತಂತು
ನಾನು
ಅವರೆಯ ಅನುಭವಿಸಿ ಕಡಲೆ ಗಿಡಕ್ಕೆ ಹುಡುಕಾಡಿದೆ

ಖಾಲಿಯಾಗಿ ಒಣಗಿ ರಸ್ತೆಯಲಿ ಧೂಳಾಗಿದ್ದ ಕಂಡಾಗ
ಹುಡುಕಲಾರಂಬಿಸುತ್ತೆ ನನ್ನ ಕಣ್ಣುಗಳು
ಯಾರಾದರೂ ಕೈಲಿ ಹಿಡಿದಿರುವುದು ಕಾಣಿಸಿದರಂತೂ
ಹೋಗಿ ಕೇಳಿ ಬಿಡಲೇ ಎಲ್ಲಿ ಕೊಂಡಿರೆಂದು?

ಕನಸಿನಲ್ಲೂ ಕಡಲೆ ಗಿಡವೇ ನನ್ನ ಭಾಗ್ಯಕ್ಕೆ?
ಮಾರಲೊಲ್ಲದ ವ್ಯಾಪಾರಿ, ಬಿಡಲೊಲ್ಲದ ನಾನು
ಆ ರುಚಿಗಾಗಿ ಎಷ್ಟು ಹಾತೊರೆಯುತ್ತಿದೆ ಮನ
ಎಲ್ಲಿರುವೆ, ಎಲ್ಲಿರುವೆ, ಮನವ ಕಾಡುವ ಕಡಲೆ ಗಿಡವೇ?

ಒಂದು ಕಟ್ಟು, ಅರ್ಧ ಕೇಜಿ, ಸಿಕ್ಕರೆ ಸಾಕೀಗ ನನಗೆ
ಒಂದು ವರ್ಷದ ತನಕ ಖುಷಿಯಗಿರುವೆ
ನಿಮಗೆ ಸಿಕ್ಕರೆ ಕೊಟ್ಟು ಪುಣ್ಯ ಕಟ್ಟಿಕೊಳ್ಳಿ ದೇವರೇ
ಹಸಿ ಕಡಲೆ ಕಾಳಿನ ರುಚಿಗೆ ಮನ ಕಾದು ಕಾವಲಿಯಾಗಿದೆ

ಭಾಶೇ