ಮಳೆ ಬರುತ್ತಿದೆ
ಅತ್ತ, ಇತ್ತ ಸುತ್ತಾಡಿ ನೆನೆಯುತ್ತಿದ್ದೇನೆ
ಛತ್ರಿ ಅಪ್ರಯೋಜಕವಾಗಿದೆ
ಕಗ್ಗತ್ತಲು
ನಂದಿ ಹೋದ ದೀಪಗಳು
ಮಿಂಚುತ್ತಲೂ ಇಲ್ಲ
ಬರೀ ಧಾರಾಕಾರ ಮಳೆ
ಮಳೆಯ ದನಿಯೊಂದೇ
ಹೆಣಗಳಂತೆ ಮಲಗಿದ್ದಾರೆ
ಕಂಬಳಿ ಹೊದ್ದು
ಮನೆಗಳೊಳಗಿರುವ ಜನಗಳು
ಸಂಚಾರ ಸ್ಥಗಿತ
ನಾನು ಹೊರಗೆನಿಂತು ಮರಗಟ್ಟುತ್ತಿದ್ದೇನೆ
ನೀನು ಒಳಗೆ ಅಳುತ್ತಿದ್ದೀಯ
ನಾ ಬಾಗಿಲ ಬಡಿಯಲೊಲ್ಲೆ
ನೀ ತೆರೆಯಲೊಲ್ಲೆ
ಬಿಂಕ ಇಬ್ಬರಿಗೂ
ಮಳೆ ಸುರಿಯುತ್ತಲೇ ಇದೆ
ನಮ್ಮೊಳಗಿನ ಮಾತುಗಳು
ನಮಗೇ ಆಹಾರವಾಗಿ ಮುಗಿದುಹೋಗಿವೆ
ಭಾಶೇ
No comments:
Post a Comment