ಮಾಸದ್ದು ಮುಗುಳ್ನಗು
ಕೆಂಪುದೀಪದ ಎದುರಷ್ಟೇ
ಎದುರಾಗುವ ಎರೆಡು ಜೀವಗಳು
ಬೆಂದಿದ್ದೇನು ಬೆಳಗ್ಗೆ
ಬೇಯುವುದೇನು ಸಂಜೆ
ಆರಾಮಿದ್ದೀಯ ತಾನೇ
ಮುಗಿದೇ ಹೋಯ್ತು ಮಾತು
ಮೂರು ನಿಮಿಷಗಳಷ್ಟೇ ಪ್ರಾಪ್ತಿ
ಉಳಿದ ಮಾತುಗಳು ಉಳಿದು
ನಾಗಾಲೋಟದ ಕುದುರೆ ಹತ್ತಿ
ಹೊರಟಾಯಿತು ದಾರಿಹಿಡಿದು
ಟ್ರಾಫಿಕ್ಕಲಿ ಸಿಕ್ಕರೆ ಭೇಟಿ
ದಿನವೂ ಹುಡುಕುವ ಕಣ್ಣುಗಳು
ಕಾಣದ ತಂತೊಂದು ಬೆಸೆದಿದೆ
ಪರಿಚಯವೇ? ಗೆಳೆತನವೇ? ಗೊತ್ತಿಲ್ಲದೇ
ಭಾಶೇ
No comments:
Post a Comment