ಹುಡುಕಾಟ ನಿಲ್ಲುವುದಿಲ್ಲ
ಕತ್ತಲೆಯಲ್ಲಿ ಕಳೆದುದಲ್ಲ
ಬೆಳಕಲ್ಲೇ ಸಿಗಬೇಕೆಂದಿಲ್ಲ
ಅದೇನೆಂದೂ ಗೊತ್ತಿಲ್ಲ
ಹುಡುಕಾಟ ಮಾತ್ರ ನಿಲ್ಲುವುದಿಲ್ಲ
ಏನೋ ಇಲ್ಲವೆಂಬ ಭಾವ
ಇರಲೇಬೇಕೆಂಬ ವಾದ
ಇಲ್ಲದೆಯೂ ಪೂರ್ಣತೆಯಿದೆ
ಇದ್ದೂ ಅಪೂರ್ಣತೆಯಿದೆ
ನನಗೆ ಬೇಕು, ಅಷ್ಟೇ
ಪ್ರಪಂಚದ ಗೋಜಿಲ್ಲ
ಇಂಥದ್ದೇ ಬೇಕೆಂದು
ನನಗೂ ಗೊತ್ತಿಲ್ಲ
ಪರಿತಪಿಸುತ್ತಿದ್ದೇನೆ ಕಾತರಳಾಗಿ
ಉರುಳುವ ಪ್ರತಿ ದಿನವೂ
ಕೊರಳಿಗೆ ಉರುಳಾಗಿ
ನಾಳೆಗಳು ಇಂದುಗಳಾಗಿ
ಸಿಗುವುದೋ, ಇಲ್ಲವೋ
ಸಿಕ್ಕರೂ ನಾ ಅರಿಯುವೆನೇ?
ಏನು ಬೇಕೆಂದೇ ಅರಿಯದೆ
ದೊರೆಯಿತೆಂದು ಹೇಗೆ ಗುರುತುಮಾಡಲಿ?
ಭಾಶೇ
