ಪರಿಮಿತಿ

ಇಷ್ಟು ವಿಶಾಲ ಪ್ರಪಂಚದಲ್ಲಿ 

800,00,00,000 ಜನರ ನಡುವೆ 

ನೀನು ನನಗೆ ಪರಿಚಿತ 

ಲೆಖ್ಖ ಹಾಕು ಸಾಧ್ಯತೆ! 

ನಿನ್ನ ಮೇಲಿನ ಬಯಕೆ ಸತ್ಯ.

ನಿನ್ನ ಕಣ್ಣುಗಳಲ್ಲಿರುವ ಕಾಳಜಿ 

ಮುಗುಳ್ನಗುವಿನ ಸ್ನೇಹ 

ಹೂವಿನಂಥ ಮಾತು 

ಒಳಗೊಳಗೇ ಉರಿವ ಜ್ವಾಲೆ 

ನಾ ಕಟ್ಟಿದ ಕಥೆಯಿರಬಹುದು 

ಮೌನಕ್ಕೂ ಮಾತಿಗೂ ಯುದ್ಧ 

ನಾನು ಮೌನದ ಪರ

ನೀನು ಅಳೆದು ಮಾತಾಡುವವ 

ನಮ್ಮ ನಡುವೆ ಮೈಲಿಗಳ ಅಂತರ 

ಸಂಯಮದೊಂದಿಗೇ ಬದುಕಿಬಿಡಲೇ 

ಆಕರ್ಷಣೆಗಳ ಅಣಬೆಗಳು ಸಾಯಲಿ 

ಆಸೆ ಒಳಗೊಳಗೇ ಸುಟ್ಟುಬಿಡಲಿ 

ಸಂಗಾತಿ ಸತ್ತ ಒಂಟಿ ಹಕ್ಕಿಯಂತೆ 

ಹೇಗೂ ನಗುವಿನ ಪಕಳೆಗಳು ಉದುರುತ್ತಿವೆ 

ಮೈ ಸುಕ್ಕಾಗಿದೆ, ಕೂದಲು ಹಣ್ಣಾಗಿದೆ 

ಬರದಿರುವ ನಾಳೆಗಳ ಹೆಗಲಮೇಲೆ 

ಅನಿಶ್ಚಿತತೆಯ ನಿರ್ಧಾರ ದೂಕುತ್ತೇನೆ 

ತೆರೆದಿಟ್ಟ ಐಸ್ ಕ್ರೀಮಿನಂತೆ ಕರಗುವುದೋ? 

ಕಿತ್ತಿಟ್ಟ ಮೊಗ್ಗಿನಂತೆ ಅರಳುವುದೋ, ಅರಿಯೆ. 

ಭಾಶೇ