ಅನುರೂಪ ದಾಂಪತ್ಯ

ಅರ್ಧ ಶತಮಾನದ ಸಾಂಗತ್ಯ 

ಕಾಣಿಸುವುದಿಲ್ಲ ಪ್ರತಿನಿತ್ಯ 

ಜೊತೆಗೇ ಬೆಳೆದು 

ನೋವಲ್ಲೂ ನಲಿದು 

ಮಕ್ಕಳ ಪೊರೆದು 

ಇತಿಹಾಸವ ಬರೆದು 

ಅಮ್ಮ, ಮೇಷ್ಟ್ರು 

ಮೊದಲ ಪಾಠಶಾಲೆ, ಮನೆ 

ಎರೆಡನೆಯದು, ನಿಮ್ಮನೆ 

ಮಕ್ಕಳ ವಿದ್ಯೆಯ ಹಸಿವಿಗೆ 

ನೀಡಿದಿರಿ ಮೃಷ್ಟಾನ್ನ, ಬಗೆ ಬಗೆ 

ಪ್ರೀತಿ, ಕಾಳಜಿ, ಪ್ರೇಮ 

ಮೂರ್ತಿವೆತ್ತ ತಾಯಿ, ಕಮಲಮ್ಮ 

ಅಕ್ಷಯ ಪಾತ್ರೆ, ಅಡುಗೆ ಮನೆಯಲ್ಲಿ 

ಸ್ನೇಹರೂಪಿ, ಎಲ್ಲರ ಜೊತೆಯಲ್ಲಿ 

ಬಂಧು, ಬಳಗವೆಲ್ಲಾ 

ನಿಮ್ಮ ಸುತ್ತ ಹಾಜರು 

ಹರ್ಷ ತಂಬಿದ ಮನೆಯಲ್ಲಿ 

ಎಂದೂ ಇಲ್ಲ ಬೇಜಾರು 

ಐವತ್ತು ವರ್ಷದ ದಾಂಪತ್ಯ 

ನಿಮ್ಮದೇ ಆದ ರಹಸ್ಯ 

ನಮ್ಮ ಮನದ ಬಯಕೆ 

ಸದಾ ಇರಲಿ ನಿಮ್ಮ ನಗೆ 

ಸೌಮ್ಯಶ್ರೀ ಗೋಣಿಬೀಡು.