Better side of me

When I flip a coin

I know it's head or tails 

Either joy or pain 

Simplicity prevails 

When it is a dice

I do get anxious 

Shades of hurt and nice

Snake or ladder, curious 

When life swirled me around 

Didn't have the slightest clue

Startled by every sound 

Receded to my shell in blue 

But as the sun shined 

I see where i have landed 

Better side of me is found 

This is exactly what I wanted 

BhaShe 

ಹೆಣ್ಣು

ಹೆರದಿದ್ದರೂ, ಹೊರದಿದ್ದರೂ, 

ಎದೆಯಲಿ ಹಾಲೇ ಇರದಿದ್ದರೂ, 

ಕಣ್ಣಲಿ ನೀರೇ ಬರದಿದ್ದರೂ 

ಒಣಗಿ ಕಟ್ಟಿಗೆಯೇ ಆದರೂ 

ಒಳಗಿರುವುದು ಹೆಣ್ಣೇ ತಾನೇ? 

ಹೆತ್ತಪ್ಪನೇ ಅತ್ಯಾಚಾರವೆಸಗಿದ್ದರೂ 

ಒಡಹುಟ್ಟಿದವರೇ ಮಾರಿ ಸಾಗಿಸಿದ್ದರೂ 

ಗಂಡನೇ ತಲೆಹಿಡುಕನಾದರೂ 

ಮಕ್ಕಳ ಕಣ್ಣಲ್ಲೇ ಸೂಳೆಯಾದರೂ 

ಒಳಗಿರುವುದು ಹೆಣ್ಣೇ ತಾನೇ? 

ಆಸೆಗಳೆಲ್ಲವನೂ ಅದುಮಿಟ್ಟು 

ಬಾಳಿನ ಸುಖಗಳಿಗೆ ಬೆಂಕಿ ಕೊಟ್ಟು 

ಮುಗಿಯದ ಬದುಕಿಗೆ ಸಮಾಧಿ ಕಟ್ಟಿ 

ಸಮಾಧಿ ಮೇಲೇ ಗಿಡ ಬೆಳೆದು ಹೂ ಬಿಟ್ಟರೆ 

ಒಳಗಿರುವುದು ಖಂಡಿತಾ ಹೆಣ್ಣು 

ಭಾಶೇ 

ಆಯಸ್ಕಾಂತ

ನಮ್ಮೆದೆಯಲ್ಲೂ ನಡೆವುದೇ ಮಂಥನ 

ಪ್ರತೀ ದಿನವೂ, ಪ್ರತೀ ಕ್ಷಣವೂ 

ಹಾಲಾಹಲವೂ, ಅಮೃತವೂ ಬರುವುದೇ 

ನಮಗೆ ನಾವೇ ವಿಷಕಂಠರೇ? 

ಗಾಜಿನ ಗೋಲದೊಳಗಿರುವ ಬೊಂಬೆಗಳು 

ಬರೀ ಬೊಂಬೆಗಳೇ? 

ಗಾಜೊಡೆದು ಆಚೆ ಬಂದರೆ ಗೊತ್ತು 

ಬೊಂಬೆಗಳಿಗೆ ಜೀವ ಇದೆಯೆಂದು 

ಸೂಜಿಯ ಕಣ್ಣು, ಹಗ್ಗದ ತುದಿ 

ಹಡಗಿನ ಲಂಗರು, ರೇಷ್ಮೆಯ ಎಳೆ 

ಗಾಜುಗಾರನಿಗೂ, ವಜ್ರ ಪರೀಕ್ಷಕನಿಗೂ 

ಎತ್ತಣಿಂದೆತ್ತಣ ಸಂಬಂಧವಯ್ಯಾ? 

ನಿನ್ನ ಎದೆಯ ನದಿ ಹರಿಯಬಹುದು 

ನನ್ನೆದೆಯ ಸಾಗರದಿ ನೀರೇ ಇಲ್ಲ 

ನಿನ್ನ ನದಿಗೆ ಅಣೆಕಟ್ಟಿಲ್ಲ 

ನನ್ನ ಸಾಗರಕ್ಕೆ ಅದು ಹರಿದು ಬರಲಿಲ್ಲ 

ನೀನು ಉತ್ತರಮುಖಿ ಆಯಸ್ಕಾಂತ 

ನಾನು ದಾರಿ ಕೇಳದ ಅಂತರ ಪಿಶಾಚಿ 

ನಮ್ಮ ದಾರಿಗಳು ಸಂಧಿಸಿದರೂ 

ಗುರಿ ಎಂದೂ ಒಂದಾಗಲಾರದು 

ಭಾಶೇ 

ಬದುಕು

ಮೂಲೆಗಳನ್ನೆಲ್ಲಾ ಕತ್ತರಿಸಿ ಗುಂಡಾಗಿ, ಮೃದುವಾಗಿ 

ಬಾಗಬಾರದ್ದಕ್ಕೆ ಬಾಗಿ, ಹೆದರಬಾರದ್ದಕ್ಕೆ ಹೆದರಿ 

ವರ್ಷಾನುಗಟ್ಟಲೆ ಅಂಗಾತ ಮಲಗಿ 

ಈಗ ಏಳುವುದ, ಕೂರುವುದ, ಮರೆತಿರುವೆನೇ? 

ತರಗೆಲೆಯಂತೆ ತೂರಿ ಹೋಗಾಯ್ತು 

ಮರದಂತೆ ಬೇರೂರಿ ನಿಂತಾಯ್ತು 

ಬೆಳೆದು, ಕರಗಿ, ಕೊಳೆತು, ಹರಡಿ 

ಒಂದೇ ಬಾಳಿನಲಿ ಅದೆಷ್ಟು ಪಾತ್ರ 

ಮಾತುಗಳು ಗಾಳಿಯಲಿ ಕರಗಿಹೋಗಿವೆ 

ಮರದ ಮೇಲಿಂದ ಹಕ್ಕಿಗಳು ಹಾರಿ ಹೋದಂತೆ 

ಬೋಳು ಮರವ ನೋಡುತ್ತಾ ನಿಂತಾಗ 

ಒಳಗಿನ ಸವಿಯಾದ ಕರೆಯ ಕಡೆಗಣಿಸಿರುವೆನೇ? 

ತಪ್ಪುಗಳ ಒಪ್ಪುತ್ತಿರುವುದಾದರೆ ನಾ ಕಲಿಯುತ್ತಿರುವೆನೇ? 

ನನ್ನದೇ ನಿರ್ಧಾರಗಳಲಿ ಭಂದಿಯಾಗಿರುವೆನೇ? 

ಬದುಕುವುದು ಇದೇ ಆದರೆ, ಅದ ನಾ ಮರೆತಿರುವೆನೇ? 

ಇನ್ನು ಎದ್ದು, ಕೂತು, ಒಂದುದಿನ ನಾ ನಿಲ್ಲುವೆನೇ? 

ಭಾಶೇ 

ಪ್ರತಿಫಲನ

ಕಣ್ತೆರೆದೆ 

ಬೆಳಕಿತ್ತು 

ಮುಖ ವಕ್ರವಾಯ್ತು 

ಸುತ್ತಲೂ ವಕ್ರತೆಯೇ ಕಾಣ್ತು 

ಕೋಪ ಬಂತು 

ಸುತ್ತಲೂ 

ತಕ ಥೈ, ತಕ ಥೈ 

ಕೋಪವಿರದ ಸ್ಥಿತಿಯೇ ಪ್ರೀತಿ 

ಅಷ್ಟೇ

ಸಾವಿರ ಅಡಿ ಕೊರೆದರೂ 

ಇಲ್ಲ ಒಂದಿಂಚು ನೀರೂ 

ಈ ಬೋರುವೆಲ್ಲು 

ಫೇಲ್ಯೂರು 

ಕಡೆಗೆ ಕೋಪವೂ ಪ್ರೀತಿಯೇ! 

ವಾಸನೆಯ ಹೂಸು 

ಮನುಷ್ಯರನ್ನೋಡಿಸುವಂತೆ 

ಸೊಳ್ಳೆಗಳ ಓಡಿಸಬಾರದಾ? 

ನನ್ನ ಮನುಷ್ಯತ್ವ ಸೋರಿಹೋಗಿದೆ 

ನಿನ್ನಲಿ ಮೃಗವನಷ್ಟೇ ಕಾಣುವೆ 

ತಕ ಥೈ, ತಕ ಥೈ, ತಕ ಥೈ 

ಸಿಹಿನೀರ ಸರೋವರವೊಂದು ಸಿಕ್ಕರೆ 

ಮುಳುಗೇಳಬೇಕು ಮೂರು ಬಾರಿ 

ಎದೆತುಂಬ ಉಸಿರು ತುಂಬಿ 

ಚಿಗುರಿದರೆ ಮೈ, ಮನ 

ಮತ್ತೆ ಬರಬಹುದು ಆಶಿಸುವ ಗುಣ 

ಭಾಶೇ 

ಸಾಕಾಗಿದೆ

ನೀಲಿಯ ಮೇಲಷ್ಟು ಬೆಳ್ಳಿ ಸುರಿದು 

ಕಾಫಿಯ ಬಟ್ಟಲಲ್ಲಿ ಪ್ರತಿಬಿಂಬ ಚೆಲ್ಲಿ 

ಆಯ್ದ ಮಳೆ ಹನಿಗಳ ನೆನೆಯ ಬಿಟ್ಟು 

ತಣ್ಣನೆಯದೊಂದು ಉಸಿರ ಹೊರಹಾಕಿ 

ಕಣ್ಣು ನೆಟ್ಟು ನಿಂತರೆ ಸಾಕಾಗಿದೆ 

ದೂರ ದೂರದ ದೀಪ ಚಿಕ್ಕೆಗಳ ಕಂಡು 

ಅಲ್ಲೇ ಇರಬಹುದೆಂದು ನಂಬಿ 

ಭ್ರಮೆಗಳ ಬೇಲಿಯ ನಿಜವಾಗಿ ಮುರಿದು 

ಎದೆ ತುಂಬುವಂತೆ ಒಂದು ಉಸಿರ ಎಳೆದು 

ನನ್ನ ತನುವ ಮರೆತು ನಿಂತರೆ ಸಾಕಾಗಿದೆ 

ಈಗ ಸೋಕಿ ನಗಿಸಿ ಹೋದ ತಂಗಾಳಿ 

ಆಕಾಶದಿ ಬರೆವ ಬಣ್ಣದ ಚಿತ್ರಗಳು 

ಮಳೆ ನೀರು, ಬಿರಿದ ಹೂವು, ಮರ 

ಎಲ್ಲವೂ ನನ್ನ ಆತ್ಮ ತೃಪ್ತಿಗೆಂದು ನಂಬಿ 

ಮನಸ ಮರೆತು ಗುನುಗಿದರೆ ಸಾಕಾಗಿದೆ 

ಕಣ್ಣು ಕಟ್ಟಿ, ಕಾಲ ಬೀಸಿ ಓಡುವಾಗ 

ಉಸಿರ ಹಿಡಿದು ಮುಳುಗಿ ಈಜುವಾಗ 

ಚಿಂತೆ, ಚಿಂತನೆಗಳಲೇ ಕಳೆದು ಹೋಗಿರುವಾಗ 

ಮುಳುಗುತಿರುವ ಸೂರ್ಯನೊಮ್ಮೆ ನೋಡಿ 

ನಕ್ಕು ಮುಂದುವರಿಯುವಷ್ಟಾದರೆ ಸಾಕಾಗಿದೆ 

ಭಾಶೇ 

ಅರಿವು

ನಾನು ಎಲ್ಲವೂ ಆಗಲಾರೆ 

ಇರಲಾರೆ, ಹೋಗಲಾರೆ, ಬಾಳಲಾರೆ 

ನಾನೇನಾಗಿದ್ದೆನೋ ಅಲ್ಲೇ ಶುರು 

ನಾನೇನಾಗುವೆನೋ, ಅದೇ ಗುರಿ 

ನಾನೆಲ್ಲವನೂ ಅರಿಯಲಾರೆ 

ಜ್ಞಾನದ ಸಮುದ್ರ ದಡದಲ್ಲಿ 

ಬೇಲಿ ಎಷ್ಟು ದಬ್ಬಿದರೂ 

ವಿಸ್ತಾರದಿ ಕಳೆದೇ ಹೋಗುವೆನು 

ನಾನೆಲ್ಲವನೂ ನೋಡಲಾರೆ 

ಭೂಮಿ ಬಹಳ ವಿಶಾಲ 

ಕಲೆ, ವಿಜ್ಞಾನ, ಅಪಾರ

ಭೂಮಿಯಾಚೆಗೂ ಇದೆ ಬಹಳಷ್ಟು  

ಅವಕಾಶಗಳಿಗೂ ಮಿತಿಯಿಲ್ಲ 

ನಾಳೆಗಳಲ್ಲಿ ಸಾಕ್ಷಾತ್ಕಾರವಾಗಲು 

ನನಗೆ ಗೊತ್ತಿಲ್ಲವೆಂದು ಗೊತ್ತಿದ್ದರೆ 

ಗೊತ್ತುಮಾಡಿಕೊಳ್ಳಲು ಸಾಧ್ಯ  

ಇರಲಿ ಒಂದು ಹೃತ್ಪೂರ್ವಕ ಧನ್ಯವಾದ 

ಆಗಿರುವುದಕ್ಕೆ, ಅರಿತಿರುವುದಕ್ಕೆ 

ಸ್ವಲ್ಪ ಹೆಮ್ಮೆ, ಖುಷಿ, ಪ್ರೀತಿಯಿರಲಿ 

ನಾಳೆಗಳ ಸುಸ್ವಾಗತಿಸಲಿಕ್ಕೆ

ಭಾಶೇ 

Everything

You remind me that

Two people can talk 

Be friends

Fall in love

Have sex 

And stay in love

You reinforce my faith

In monogamy 

In communication 

In commitment 

In partnership 

And in love 

You show me it's possible 

To bond

To relate

To desire

To keep going back

To grow old together 

I wish i find the strength to 

Accept love 

Embrace life 

Trust my gut 

Be free of guilt 

And live a life of my own 

I thank you for making me

See me

Find potential

Accept mistakes

Expand my wings 

Love all that is myself with all that i have 

BhaShe 

ಸೂಳೆ

ನಿನ್ನ ಕಣ್ಣಲ್ಲಿ ನಾನು ಸೂಳೆ 

ಕರೆದಾಗ ನಿನ್ನ ಹಾಸಿಗೆಗೆ ಬಂದು 

ನಿನ್ನಣತಿಯಂತೆ ಬೆತ್ತಲೆ ನಿಂದು 

ನಿನ್ನ ಕಾಮನೆಗಳಲ್ಲಿ ನೆಂದು 

ಮುಗಿಯದು ನಿನ್ನ ಆಸೆ, ಎಂದೂ 

ಮಾತುಗಳ ಹಿಂದೆ ಹುದಗಬೇಡ 

ಬುಧ್ಧಿವಂತಿಕೆಯಲಿ ನುಣುಚಬೇಡ 

ಎಲ್ಲಿ, ಹೇಗೆ ಶುರವಾದರೂ 

ನಿನ್ನ ಲಿಂಗದಲೇ ನಿಂತಿತು ನೋಡಾ, 

ನಮ್ಮ ಎಲ್ಲಾ ಹೊಂದಾಣಿಕೆ 

ನಿನ್ನ ತಕ್ಕಡಿಯಲ್ಲಿ ಬೆಲೆಯೆಷ್ಟು ನನಗೆ? 

ನನಗೆ ಮಾನವಿದೆಯೇ, ಕೊನೆಗೆ? 

ನಾನೇನಾದರೂ ಅರ್ಹಳೇ ಭಾವನೆಗೆ? 

ಪ್ರೀತಿಗಲ್ಲದಿದ್ದರೂ, ಅನುಕಂಪಕ್ಕೆ 

ಮುದುರಿದೆ, ನನ್ನ  ಮನಸೇಕೆ? 

ನಾನೂ ಒಬ್ಬ ಗೆಳೆತಿ 

ಮಗಳು, ತಾಯಿ, ಒಡತಿ 

ಇದೆ ವಿದ್ಯೆ, ಬುದ್ಧಿ, ಘನತೆ 

ನಿನ್ನನ್ನ ತಾಳಿಕೊಳ್ಳುವ ಶಕ್ತಿ 

ಕಾಮಾಲೆ ನಿನ್ನ ಕಣ್ಣಲ್ಲಿ, ದೇವರೇ ಗತಿ 

ಭಾಶೇ 

ಗೆಳೆತನ

ಇಂದಿನದಷ್ಟೇ ಖಾತ್ರಿ 

ನಾಳೆ, ನಾನ್ಯಾರೋ, ನೀನ್ಯಾರೋ 

ಗುಂಡಗಿದೆ ಧರಿತ್ರಿ 

ಮತ್ತೆ ಬರುವುದು ಜಾತ್ರೆ 

ಬರುವವರು ಬರಲಿ 

ಇರುವವರು ಇರಲಿ 

ಬಂದವರೂ, ಇದ್ದವರೂ 

ಹೋಗುವುದೇ ಕಡೆಗೆ 

ಮಳೆಗಾಲದ ಹೊಸನೀರಂತೆ 

ಹಳತು, ಹೊಸತಾಗಿ ಬೆರೆತು 

ನಾವೂ ಅಂತೆಯೇ ಅಲ್ಲವೇ 

ಬದಲಾದ ಕಾಲಕ್ಕೆ ಒಗ್ಗುತ್ತಾ 

ಯಾವುದೂ ಮರೆಯಾಗದೇ 

ಇರಬಹುದೇ ಮೆದುಳ ಮೂಲೆಯಲಿ? 

ಹೊಸ ನೆನಪು ತುಂಬಿದಂತೆ 

ಬಳ್ಳಿ ತಾನಾಗೇ ಹಬ್ಬುತ್ತದೆ 

ಲಾಭವೂ, ನಷ್ಟವೂ, ದೃಷ್ಟಿಯದಷ್ಟೇ 

ಒಬ್ಬರ ಲಾಸು ಇನ್ನೊಬ್ಬರ ಕನಸು 

ಒಂದೊಟ್ಟಿಗಿನಿಂದ ನೋಡುವಾಗ 

ಪರಿಪೂರ್ಣತೆಯಷ್ಟೇ ಕಾಣುತ್ತದೆ 

ಭಾಶೇ 

ಭಿಕ್ಷುಕಿ

ಭಿಕ್ಷೆ ಬೇಡಲು ನಿಂತು ಬೈಗುಳಕ್ಕೆ ಹೆದರಲೇ? 

ಹೋಗಲು ನನ್ನಲ್ಲಿ ಇರುವ ಮಾನವಾದರೂ ಎಷ್ಟು? 

ಹಸಿ ಮಣ್ಣಿನ ಗೊಂಬೆ, ಆಲಿಕಲ್ಲು ಬಿರುಸುಮಳೆ 

ಅಸ್ತಿತ್ವ ಎನ್ನುವುದು ಬರೀ ಭ್ರಮೆ ತಾನೇ? 

ಹಾದಿ ಬದಿ ವಾಂತಿಯ ಸುತ್ತ ನೊಣ 

ಚರಂಡಿಯ ಬದಿ ಬೆಳೆದ ರಾತ್ರಿ ರಾಣಿ 

ಬದುಕು ಹುಟ್ಟುವುದು ಸೌಂದರ್ಯದಲ್ಲಲ್ಲ 

ಕುರೂಪ, ರೂಪಗಳು ನಮ್ಮ ಎಣಿಕೆಯಂತಲೂ ಇಲ್ಲ  

ಹೊಳೆ ಬದಿಯ ಮರಳ ಕಪ್ಪೆ ಗೂಡು 

ಒಂದು ಘಳಿಗೆಗೂ ಉಳಿವುದಿಲ್ಲ 

ಮಕ್ಕಳಾಟಿಕೆಯಷ್ಟೇ 

ಉಳಿದದ್ದು ನಗುವಿನ ನೆನಪುಗಳು ಮಾತ್ರ 

ಹರಿದಿರುವುದು ಬಟ್ಟೆಯೋ, ಮನಸೋ? 

ತೇಪೆ ಹಚ್ಚಿದರೆ ಎಷ್ಟು ದಿನ ಸಾಗೀತು? 

ರಾತ್ರಿಯ ಛಳಿ ಕಳೆದು ಸೂರ್ಯ ಬಂದಾಯ್ತು 

ಇನ್ನೊಂದು ದಿನದ ಇತಿಹಾಸ ಶುರುವಾಯ್ತು 

ಭಿಕ್ಷೆ, ನನ್ನ ನಾನು ಅರಿವ ದಾರಿ 

ಕೊಡುವಾಗಿನ ಅಹಂ ಕಳೆದು, ಬೇಡಿ 

ಮುರಿದು ನನ್ನನೇ, ಮತ್ತೆ ನನ್ನನೇ ಒಗ್ಗೂಡಿಸಿ 

ಬೇಡಲು ನಿಂತರೂ ಸ್ವೀಕರಿಸುವುದು ನನಗೆ ಬೇಕಾದಷ್ಟೇ 

ಭಾಶೇ 

ಲಗಾಮು

ಹುಂಬತನದಿಂದೊಮ್ಮೆ ಕುದುರೆಯ ಲಗಾಮ ಬಿಟ್ಟುನೋಡಲೇ? 

ಎಲ್ಲಿಗೊಯ್ಯುವುದೋ, ಕಾಣದ ದಾರಿಗಳ ಹುಡುಕಿ 

ಸ್ವರ್ಗ ಕಾಣಬಹುದು, ಬೆನ್ನೂ ಮುರಿಯಬಹುದು 

ಕೊಡು ಬಿಡುವಾಟದಲಿ ಲೆಖ್ಖವಿಟ್ಟಷ್ಟೂ ಕಷ್ಟ ಜಾಸ್ತಿ 

ಹಾರಿದ ಹೊಳೆಗಳ ಹೆಸರ್ಯಾರಿಗೆ ಗೊತ್ತು 

ಸುಳಿಗಳಿಂದ ತಪ್ಪಿಕೊಂಡ ಕಥೆ ಹೇಳಬಾರದೇ? 

ನಾಳೆಗಳ ದಿಕ್ಕುಗಳಿನ್ನೂ ನಿರ್ಮಿತವಾಗಿಲ್ಲ 

ಲಗಾಮು ಜಗ್ಗುವ ಯೋಚನೆಯೇಕೆ? 

ಬೋನ್ಸಾಯ್ ಬೋಗುಣಿಗಳಲ್ಲಿ ಮರಗಳಿವೆ 

ಒಂದೇ ಮರ ಎಕರೆಗಟ್ಟಲೆ ಹಬ್ಬಿದೆ 

ಡಬ್ಬಿಗಳಲ್ಲಿ ಪ್ರಪಂಚ ತುಂಬಿಟ್ಟಾಗಿದೆ 

ಪ್ರಪಂಚದ ತುಂಬಾ ಬೇಕಾದಷ್ಟು ಡಬ್ಬಿಗಳಿವೆ 

ಲಗಾಮು ಹಿಡಿದೇ ದಾರಿ ಸವೆಸಿದವರಿದ್ದಾರೆ 

ಲಗಾಮು ಬಿಟ್ಟು ಗುರುತಿಲ್ಲದೆ ಹೋದವರಿದ್ದಾರೆ 

ಗುರಿಯೆಲ್ಲಿ? ತಿಳಿದವರಾರು? ಹೇಳಿದವರಾರು? 

ಪ್ರಯಾಣವೇ ಗುರಿಯಾದರೆ ಗಮ್ಯಕ್ಕೆ ಅತ್ತವರಾರು? 

ನನ್ನ  ಬಾಳ ಕಥೆಗೆ ನಾನೇ ಕಥೆಗಾರಳಾದರೆ 

ಕುದುರೆಯ ಲಗಾಮ ಬಿಟ್ಟೇಬಿಡಲೇ? 

ಉಳಿದವರ ಬಾಳು, ಅವರವರದಾಯ್ತು 

ನನ್ನ ಗುರಿಯ ನಿರ್ಧಾರ ಕುದುರೆಗೆ ಕೊಟ್ಟುಬಿಡಲೇ? 

ಭಾಶೇ 

ಏರಿಳಿತ

ನನ್ನ ಪಾತಾಳಕ್ಕೆ ದಬ್ಬಿದೆಯಾ? 

ಮುಗಿಲಲ್ಲಿ ತೇಲಿಸಿದೆಯಾ? 

ಇದೆಲ್ಲ ಭ್ರಮೆಯಾ? 

ನನ್ನ ಮನ ನಿನ್ನ ದಾಳವೇ? 

ಹಿಂಬಾಲಿಸುವ ನಾಯಿ? 

ಪರಸ್ಪರ ಅನುಯಾಯಿ? 

ನಗುವೂ, ಅಳುವೂ ಜೊತೆಗಾರರಾದರೆ 

ಕತ್ತಲೆಯಿದೆಯೆಂದು ಬೆಳಕ ಮರೆಯಬಹುದೇ

ಸಮುದ್ರ ಮಾಋತಗಳ ಬೇರೆ ಮಾಡಬಹುದೇ 

ಪಾತಾಳವೂ, ಮುಗಿಲೂ ನನ್ನಲ್ಲಿದೆ 

ಏಳು ಬೀಳುಗಳಿವೆ 

ನನ್ನೆದೆಯಲ್ಲೊಂದು ಬದುಕಿದೆ 

ಅದಕ್ಕೇ ಅಳುತ್ತೇನೆ, ನಗುತ್ತೇನೆ 

ಹೊಡೆದರೆ ಹೆದರಿ ಮೂಲೆ ಸೇರುತ್ತೇನೆ 

ಮೂಲೆಯಲೇ ಕೂತು ರೆಕ್ಕೆಗಳಿಗೆ ಕಾಯುತ್ತೇನೆ 

ನೀ ನನ್ನ ಏರಿಸಿ ಇಳಿಸಬಲ್ಲೆಯಾ? 

ಅದೆಲ್ಲಾ ನಾನೇ ಇರಬೇಕು 

ನನ್ನ ಮನದ ತಂತ್ರಗಳೇ ಇರಬೇಕು 

ಭಾಶೇ 

ಅನಿವಾರ್ಯ

ವೈಭೋಗಗಳನ್ನೆಲ್ಲಾ ಭೋಗಿಸುವ 

ದೊಡ್ಡವರೆಲ್ಲಾ ಮುಂದೆ 

ಹೊಟ್ಟೆಗೆ ತಿನ್ನಲೂ ಇಲ್ಲದ 

ಹಲವರು ನನ್ನ  ಹಿಂದೆ 

ಮಧ್ಯ ನಿಂತ ನನ್ನ  ಕಣ್ಣಲ್ಲಿ ನೀರಷ್ಟೇ 

ನದಿಯ ಆ ತೀರದಲೂ ಸುಖವಿಲ್ಲ 

ಈ ತೀರದಲೂ ಬದುಕಿಲ್ಲ 

ತೇಲುತ್ತಾ ಸಾಗಲೊಂದು ದೋಣಿ 

ನಮಿಸಲೋ, ಹಳಿಯಲೋ 

ಕೇಳದು ಆಕಾಶವಾಣಿ 

ಕಡಿದ ಕರುಳು ಬಳ್ಳಿಗಳ ಮಣ್ಣಿಗಿಟ್ಟು 

ಇದ್ದಿದ್ದೇ ಸುಳ್ಳೆಂಬಂತೆ ನಡೆದಾಡಿ 

ಹಸಿವ ಹೊಟ್ಟೆಗಳಿಗೆ ಬೆಂಕಿಯಿಟ್ಟು 

ಹನಿ ಸಂತೋಷಕ್ಕೂ ಬಡಿದಾಡಿ 

ಹೆಜ್ಜೆಗಳ ಕೆಳಗೆ ಉಳಿದುಹೋದ ಭಾವಗಳು 

ಆಳದಿಂದೆದ್ದು ಬರುವ ಹೆಸರಿಲ್ಲದ ನೋವುಗಳು 

ಹಳೆಯದಕ್ಕೂ, ಹೊಸತಕ್ಕೂ ಬೆಳೆದ ಸಂಬಂದಗಳು 

ಹೊಟ್ಟೆಯ ಆಚೆಗೆ ಹುಟ್ಟುವ ಹಸಿವುಗಳು 

ತಿಳಿಯಲಾರದ್ದು ಮನುಷ್ಯನ ಮೆದುಳು 

ಅನವರತ ಉರಿವ, ನಲಿವ, ಹರಿವ, ದಿನಗಳು 

ಭಾಶೇ 

Operating point

What cards do you play, 

Love, sex or guilt? 

What places do you claim 

With view points tilt 

Swim in your own thoughts

Justify every action 

God or victim only slots 

Equal and opposite reaction 

For every answer you find

Discover a new question 

In every corner of your mind 

Harbor dissatisfaction 

No one knows you, including you 

All that's shown is a facade 

Noting reaches you, that's true 

Have no faith or regard 

Convenience is your solution 

Change your cards every time 

Lies and charm, your absolution 

Your promises aren't worth a dime 

BhaShe 

Validation

Am I special, her cry

Of course you are, I say

As her tears dry 

Someone new is on the way

It's not one thing or another

But, lonely nights I call you 

We can never be together

I have a lovely wife, too 

You are my good buddy 

All we have is only fun

Please don't make this muddy

Don't go on the tangent of sin 

She asks for validation 

Beauty, brains and beyond 

I run a lying marathon 

Lust, desire, all around 

Love and sex, I separate 

Heart is where it belongs 

I know it's an endless debate 

But, it's a short life, move along 

BhaShe 

Selfish

I'll take the blame 

I have a burning flame 

I don't see anyone but me 

Selfish, if you please 

I was born this way 

Always a predator, never a prey 

I am my own misery

I am my own mystery 

The path i am on is pain 

I have nothing to gain 

I will be cranky and old 

With a bitter heart, cold 

This is my destiny 

To never be happy 

I try to accept my fate 

Awaiting my last date 

I hope to have no regrets 

I hope to live without frets 

Even if selfish is my name 

I have no one else to blame

BhaShe

ಬಾಗಿಲ ಮುಂದೆ ಬೆಂಕಿ

ಒಳಗಿದ್ದ ಜೀವವೊಂದು 

ಬದುಕಲಿ ಬೆಂದು 

ಇದು ಸಾಕೆಂದು 

ಮುಕ್ತಿ ಮಾರ್ಗವಾಗಿ ಸಂದು 

ಹೋಗಿರುವುದೆಂದು 

ಸಾರುವ ಬೆಂಕಿ 

ಬಳಗಿರುವವರ ಎದೆಯಲ್ಲೂ ಬೆಂಕಿ 

ಯಾವುದೋ ಮುಗಿಯದ ಮಾತು 

ಎಲ್ಲೋ ಬೇಕಿತ್ತು ಸಾಥು 

ದೇಹ ಬಂದಾಗಿ 

ಶಕ್ತಿ ನಂದಿಹೋಗಿ 

ಪ್ರಾಣ ಹಾರಿ 

ಮನುಷ್ಯ ಹೆಣವಾಗಿ 

ಇನ್ನೂ ಬೇಕಾಗಿದ್ದರೂ 

ಕಥೆ ಮುಗಿದುಹೋಗಿ 

ಹೇಳಿ ಪೂರೈಸಲಾಗುವುದಿಲ್ಲ 

ಬೋಳಾದ ತಲೆ 

ಊದಿದ ಕಣ್ಣುಗಳು 

ಸೋರುವ ಮೂಗು 

ಖಾಲಿ ಎದೆ 

ಗಂಟಲಲ್ಲಿ ದುಃಖ 

ಬದಲಾದ ಹಣೆಬೊಟ್ಟಿನ ಬಣ್ಣ 

ಸಾವಿಗೆ ವಿವರಣೆಯಿಲ್ಲ 

ಹೆದರಿಕೆಯಿಲ್ಲ 

ಸಮಯವಿಲ್ಲ 

ಉತ್ತರವಿಲ್ಲ 

ಸಾವು ಸಾವಲ್ಲದೆ 

ಇನ್ನೇನೂ ಅಲ್ಲ 

ಕಳೆದುಕೊಂಡವರ 

ಉಳಿದು ಹೋದವರ 

ಬದುಕು ಇರುವವರ 

ನೋವು, ಸಂಕಟಕ್ಕೆ 

ಪರಿಹಾರವಿದೆಯೇ 

ಗೊತ್ತಿಲ್ಲ 

ಭಾಶೇ 

ಒತ್ತಡ

ಕೆನ್ನೆ, ಕೈ, ಕಾಲುಗಳ ಮೇಲೆ 

ಏಟಿನ ನೋವು, ರಕ್ತದ ಕಲೆ

ಮುಚ್ಚಿಡುತ್ತೇನೆ ಜಗದಿಂದ

ಸುತ್ತಿ ಬಟ್ಟೆ ಹತ್ತಿಯಿಂದ 

ನೋವುಣಿಸಿದವಗೆ ಕುತೂಹಲ 

ಹುಡುಕುತ್ತಾನೆ ಎಡ, ಬಲ, 

ಗಾಯವ ಚೂರೇ ಕೆದಕಿ 

ನೀಲಿಯ ಒಂದಷ್ಟು ಅಮುಕಿ 

ಹಲ್ಲು ಕಚ್ಚುತ್ತೇನೆ 

ಅಳುವ ನುಂಗುತ್ತೇನೆ 

ಬಣ್ಣ ಹಚ್ಚಿ ಮುಲಾಮು ತೀಡಿ 

ಒಡೆದ ತುಟಿಗಳಿಗೆ ನಗುವ ನೀಡಿ 

ಮಾಯುತ್ತಿರುವುದು ಮತ್ತೆ ಬಾತು 

ವ್ರಣವಾಗಿ ಉಳಿಸಿ ಗುರುತು 

ಪುನರಾವರ್ತನೆಗೆ ಕಾಯುತ್ತೇನೆ 

ಒಳಗೇ ಬಿಡಿಸಿಕೊಳ್ಳಲು ಹೆಣಗುತ್ತೇನೆ 

ಭಾಶೇ 

Unconditional

Unconditional love is a myth

T&C attached at birth 

Behave, if you want to be loved

Carrots and sticks thrown at a child 

Care and share to have friends

Agree, your uniqueness bends 

Love comes to center at youthful years

Brings some joy and a whole lot of tears 

Years and years it takes to learn 

Love grows a human but it also burns 

Nothing unconditional in this world 

No free meal, no selfless deed, none 

Help me see the terms and conditions 

So, i may be aware of the consequences

BhaShe 

ಮುಸ್ಸಂಜೆಗೆ ಮುಂಚೆ

ಮುಸ್ಸಂಜೆಯಾಗುವ ಮುನ್ನವೇ 

ತಂಗಾಳಿ ಸೇವಿಸಿ ಬರೋಣವೇ? 

ಹೊರಟಿದ್ದಾರೆ ವೃದ್ಧ ದಂಪತಿ ಇದುವೇ 

ಯೌವನದಲ್ಲಿ ಕೈ ಹಿಡಿಯಲಿಲ್ಲ 

ಈಗ ಇಬ್ಬರಿಗೂ ಆಸರೆ ಬೇಕಲ್ಲ 

ಅವಶ್ಯಕತೆಗಿಂತ ದೊಡ್ಡ ಅನುರಾಗವಿಲ್ಲ 

ನಿಧಾನಕ್ಕೆ ಕಾಲೆಳೆಯುತ್ತಾ ಮನೆ ಸುತ್ತಾ 

ಒಂದೇ ರಸ್ತೆಯಲೇ ಹಿಂದು ಮುಂದೆ ತಿರುಗುತ್ತಾ 

ಗುರಿ ಮುಟ್ಟಿದ ಮೇಲೆ ದಾರಿ ವ್ಯರ್ಥ 

ಅತಂತ್ರವೋ ಇಲ್ಲಾ ಸ್ವತಂತ್ರವೋ ಇದು? 

ಕಾಲಿಗೆ ಕತ್ತಲೆಯೇ ತೊಡರಿಕೊಂಡದ್ದು 

ದೀಪದ ಗುಂಡಿ ದೂರದಿ ಇಟ್ಟಿದ್ದು 

ಕಡ್ಡಾಯ ಏಕಾಂತ, ಬದಲಾವಣೆ ಅಪರಿಚಿತ 

ಎಂದಾದರೂ ಒಮ್ಮೆ ಔತಣದ ಸ್ವಾಗತ 

ದಂಪತಿಯ ದಿನಚರಿ ಪುನರಾವರ್ತಿತ 

ಸಂಜೆ ಹತ್ತಿ ಬೇಗನೇ ಆರುವ ದೀಪಗಳು 

ಹಗಲೇ ಕಡಿಮೆ, ಜಾಸ್ತಿ ಇರುಳು 

ಯೌವನದಿ ನಗುವ ನಮಗೆ ಅರಳು ಮರಳು 

ಭಾಶೇ 

ಕಿಟಕಿ

ಬಾಳ ಹಾದಿಯಲಿ ಹತ್ತು ಹಲವು ನೋಟ 

ಎಂದೊ ಮೆಚ್ಚಿದ್ದ ಕಂಪಿನ ಕಾಟ 

ಆ ಸವಿಯನ್ನ ಅಳಿಸಲೇತಕೆ ನಾನು? 

ನೆನಪು ಮಧುರವಾಗಿದ್ದರೆ ತಪ್ಪೇನು? 

ನಾನು ನನ್ನನಳಾಗೇ ಇರುತ್ತೇನೆ 

ನಿನ್ನೊಡನೆ ಬಾಳ ಹಂಚುತ್ತೇನೆ 

ಗುಟ್ಟುಗಳನೆಲ್ಲಾ ಬಿಡುವುದು ಬೇಡ 

ಸತ್ಯಕ್ಕೆ ಹಲವು ಮುಖ, ಕಗ್ಗಂಟು ನೋಡ 

ಪ್ರಶ್ನೆಗಳು ಹಾಗೇ ಇರಲಿ 

ಉತ್ತರ ಬಂದರೆ ಬರಲಿ 

ತಿಳಿಯಾಗಿ ಹರಿವ ಬದುಕಲಿ 

ಯಾಕೆ ಕದಡಲಿ ರಂಗೋಲಿ? 

ಎಲ್ಲ ಕಿಟಕಿಗಳಿಗೂ ಹೆಸರೇಕೆ ಇಡಲಿ 

ಕ್ಷಣ ಕಂಡು ಮತ್ತೆ ಮರೆವ ಜಗದಲಿ 

ಎಲ್ಲೋ ಶುರುವಾಗಿ, ಮತ್ತೆಲ್ಲೋ ಮುಗಿಯುವುದು 

ಇಲ್ಲೇ, ಇದೇ ಎಂಬ ಗುರಿ ಹಳೆತಾಗುವುದು 

ಭಾಶೇ 

Naked

Most naked in the bathroom

Clothes taken off, masks too 

Body reveals its pleasures and pains

Wounds skin deep and deeper

To lick, to touch, to heal, to grow

Most naked in the bedroom 

Thoughts of lust and love

Of anger, hate, betrayal and joy 

Whispers in an honest tone 

Whatever is given, is received 

Most naked in front of the almighty

Washing sins off with tears 

Building new dreams 

At times, some self talk too, 

Their foot is a seat for peace 

Most naked is a necessity

Be it at bed, bath or beyond

Looking at one's true reflection 

Realigning ones view on reality

Breathing in, for a fresh new start 

BhaShe 

Home

Where is it

That i belong 

Is it my birth, 

Or life

Or death

Or is it the journey

From nothingness 

To, eh, nothingness 

I plan for a day

But i fail

As the day changes

Rain and sun

From head to toe

I change too 

I menstruate 

Is my body, my home? 

My lovers

Put my heart at ease

My mind relaxes 

My parents 

And my children

Anxious and calm 

Is this my home

With people from afar

Is my home

In my heart

With love and hate

Poison and nectar 

Is my home

In my mind

Where, in a deep breath

I feel peace from inside 

BhaShe 

ಕಾಯುವುದು

ಕಾಯುವುದು ಅಷ್ಟು ಸುಲಭವಲ್ಲ 

ಈ ಅಂತರ್ಜಾಲದ ಕಿಂಡಿಗಳ ಕಾಲದಲ್ಲಿ 

ತಕ್ಷಣ ಸಿಗುವ ಸಂತೋಷಗಳಲ್ಲಿ 

ಕಾಯುವಿಕೆಯ ಸವಿ ಕಳೆದುಹೋಗಿದೆ 

ತನು, ಮನ, ಕೆಂಪಾಗಿ ಉರಿದು 

ಮಳೆಗೆ ಕಾಯುವ ಮರದಂತೆ 

ಹಸಿರು ಕಾಯ ಗುರುತುಮಾಡಿ

ಹಳದಿ ಹಣ್ಣಾಗಲು ಕಾದಂತೆ 

ಕಾಯುವುದೇ ಜಪವಾಗಿ, ಗುರಿಯಾಗಿ 

ಧ್ಯಾನವಾಗಿ, ಅದೊಂದೇ ಮುಖ್ಯವಾಗಿ 

ಬೇರೆಲ್ಲಾ ನಗಣ್ಯವಾಗಿ 

ಆಗಮನವೇ ಮೋಕ್ಷದ ಬಾಗಿಲಾಗುವಂತೆ 

ಬಯಸಿದ ತಕ್ಷಣ ದೊರೆವಾಗ 

ಒಬ್ಬರಲ್ಲದಿದ್ದರೆ ಇನ್ನೊಬ್ಬರು ಇರುವಾಗ 

ಮನಸು ಚಂಚಲವಾಗಿ, ಸುಖ ಕ್ಷಣಿಕವಾಗಿರುವಾಗ 

ಕಾಯುವಿಕೆಯ ಭಾಗ್ಯ ಕಳೆದುಹೋಗಿದೆ 

ಭಾಶೇ 

Fortnight

It rains twice each month

Once to bring sanity 

Once to clear the path 

I feel the clouds darkening 

The universe is trembling 

Sun pushed away from his spot

It rains non stop, thunder and lightening

Windy, cold, like a depression in a sea

Damp and gloomy everywhere 

Sun does come back, to his spot, bright

Throwing light on new realities, on clarity 

It lasts only a fortnight 

BhaShe 

12/10/2020

ಗುರು

Written on 8th December 2002. Dedicated to Chaya K N, my hostel mate, friend, and guide.  

ಜೀವನದಿ ಸತ್ಯವನು ಸುಳ್ಳೆಂದು ತಿಳಿದು 

ಸುಳ್ಳನ್ನು ನಿತ್ಯ ಸತ್ಯವೆಂದು ನಂಬಿ 

ನೋಡುತ್ತ ಕೂತಿದ್ದೆ ಮಂಕಾಗಿ 

ಜೀವನವ ಅರಿಯದೆ ಕಂಗಾಲಾಗಿ 

ಭಾವನೆಗಳೇಕೆ ಅರ್ಥವಾಗೋಲ್ಲ 

ತಪ್ಪು ತಿಳುವಳಿಕೆಗಳೇಕೆ ಸಾಮಾನ್ಯ 

ಎಂಬುದು ಅರಿಯದೆ ಕಗ್ಗಂಟಾಗಿ 

ಬಿಡಿಸಲಾಗದೆ ಕೂತೆ ನಿರಾಶಳಾಗಿ 

ಸತ್ಯವ ನನಗೆ ತೋರಿಸಿಕೊಟ್ಟ 

ಮನದ ಮಿಥ್ಯೆಯ ತೊಲಗಿಸಿಬಿಟ್ಟ 

ಜೀವನದ ಆಶಾರೇಖೆಯ ಕಾಣಿಸಿಕೊಟ್ಟ 

ಆ ಗುರುವಿಗೆ ವಂದನೆ, ಅಭಿನಂದನೆ 

ನಾ ಮಾಡಿದಾ ತಪ್ಪ ತಿದ್ದಿದರು 

ಜೀವನದ ದಾರಿಯ ತೋರಿಸಿದರು 

ಕಗ್ಗಂಟ ಬಿಡಿಸಲು ನೆರವಾದರು 

ಚಿಂತೆಯ ಮೂಲವ ತಿಳಿಸಿದರು 

ನನ್ನ ಬದುಕ ಆವರಿಸಿದ್ದ ಮಾಯೆ 

ನಿನ್ನ ಪ್ರಭಾವದಿ ನನಾಗಿದ್ದೆ ಕಾಯೆ,

ಇನ್ನು ಮನವಾಗಲಿದೆ ಪಕ್ವ 

ಯಾಕೆಂದರೆ ಕಂಡಿದೆ ಅರಿವ ಛಾಯೆ 

ಭಾಶೇ 

Chaya, I hope you are doing well wherever you are! :D 

Center of my universe

Sign sighting 

Mind reading 

Overthinking 

Self doubting

Brooding 

Shake it off

Cut the crap 

Get a life

Keep moving

Walk 

Love hurts

Hate hurts

Love loves

It happens

Unexpectedly 

He has a life

I should, too 

Everything

Is not about me 

Breathe 

BhaShe 

ನನ್ನವನು

ನಗುವಿನಲೆ ಹುಟ್ಟಿ, ನಗುವಿನಲೆ ಬೆಳೆದು 

ನಗುನಗುತಾ ಇರುವವನು 

ಪ್ರೀತಿಯನು ಕೊಟ್ಟು, ಪ್ರೀತಿಯನು ಪಡೆದು 

ಪ್ರೀತಿಯನೆ ಬೆಳೆವವನು 

ಖುಷಿಯ ಅಲೆ ಉಕ್ಕಿ,ಸಂತೋಷ ಸೊಕ್ಕಿ 

ನೆಮ್ಮದಿ ತರುವವನು 

ಪ್ರೇಮದಲೆ ನೀಡಿ, ಕನಸಿನಲಿ ಕಾಡಿ 

ಮನಕೆ ಮುದ ಕೊಡುವವನು 

ನೆನಪಿನಂಗಳದಲ್ಲಿ ಪ್ರೀತಿರಂಗೋಲಿ 

ಬರೆದು ಬಣ್ಣ ಹಚ್ಚಿದನು 

ಮನದರಮನೆಯಲ್ಲಿ ಇರುಳೂ, ಹಗಲೂ,

ಪ್ರೀತಿ ಹಂಚುವವನು 

ಪ್ರೀತಿಕಡಲಲ್ಲಿ, ಆಸೆ ಅಲೆ ಚೆಲ್ಲಿ, 

ಚಂದ್ರಮನಾಗುವನು 

ಪ್ರತಿದಿನವೂ, ಪ್ರತಿಕ್ಷಣವೂ, 

ಉಸಿರು ನೀಡುವವನು 

ಹಿತನಗುವಿನಲ್ಲಿ, ಮೃದುಮಾತಿನಲ್ಲಿ 

ಮನವ ಸೆಳೆದವನು 

ಹೃದಯ ಕದ್ದವನು, ಮನವ ಗೆದ್ದವನು 

ಎಂದಿದ್ದರೂ ಅವನು ನನ್ನವನು 

ಹೇಗಿದ್ದರೂ ಅವನು ನನ್ನವನು

ಎಲ್ಲಿದ್ದರೂ ಅವನು ನನ್ನವನು

ಅವನು ನನ್ನವನು

ಭಾಶೇ 

Incomplete

I tried hard

To know you

I dug deep

To discover you 

To paint a picture

That is complete

To solve a puzzle 

To uncover the mystery

Least did i know

Pieces were missing

Parts never made

Shades unseen 

Wish i had known

The fun of not knowing

That every human

Is anew everyday 

Now i know

That i don't know

Won't dig anymore

Waiting for colors to appear 

As i lay happy

With my incomplete picture

Brush moves again

Painting another part 

BhaShe